Ní féidir leis an Aontas Eorpach fanacht ina mhistéir d'ógánaigh san Eoraip.
An fhad is atá siad ag déanamh roghanna faoin a saoil agus ag iarraidh teacht ar threo, caithfidh siad a bheith in ann páirt a thógáil ins an díospóireacht Eorpach agus éagsúlacht agus aontacht a chleachtadh dóibh fhéin.

Ar mhaithe leis an riachtanas seo a shásamh, rinne an Pharlaimint Eorpach an clár Euroscola a sheoladh, chun cur ar chumas dhaoine óga teacht le chéile, a gcuid deacrachtaí agus cleachtaithe a phlé agus aithne a chur ar a chéile. Eagraíonn an Pharlaimint Eorpach cruinnithe rialta le daltaí meánscoile ón 25 Ball Stát den Aontas Eorpach ina leathchiorcal i Strasbourg, i bhfoirm Parlaiminte Eorpaigh don Óige.

Ag gach imeacht, tugtar cuireadh do 500 dalta (16 go 18 mbliana d'aois), ag a bhfuil réamhobair déanta sa rang, lá a chaitheamh ag an bParlaimint Eorpach ar mhaithe

• len iad a chur ar an eolas maidir le hoibreacha na n-institiúidí Eorpacha
• len iad a chur ar an eolas maidir lena ról in eagar na hEorpa san am atá le teacht
• len iad a chur ar an eolas maidir leis an ghá atá le hinfheistíocht a dhéanamh i ndaonlathas agus i gcearta an duine
• le fóram a thairiscint dóibh chun a dtuairimí pearsanta a chur in iúl agus a dtiomantas a láidriú

Tá sé deacair ionad níos oiriúnaí a shamhlú ná an Pharlaimint Eorpach, lárphointe
shaoil dhaonlathaigh na mór-roinne, a fháiltíonn roimh dhaoine óga agus, i láthair
glan-shiombalach, a sholáthraíonn dóibh deis labhartha agus tuairimí a mhalartú ar
ghné shonrach agus ar an ghá le comhthuiscint, bunaithe ar thoilteanas daoine óga aithne a chur ar a chéile.

Cuireann Euroscola imoibriú éasca ar chumas daoine óga de náisiúntachta difriúla. Chomh luath is a shroicheann siad an Pharlaimint Eorpach, stopann na daltaí a bheith ag déanamh ionadaíochta dá scoileanna féin, agus tosnaíonn siad ar a bheith comhpháirteach i ngrúpaí oibre ilteangacha de thimpeall 100 rannpháirtithe.
Déantar an rogha grúpa agus na hábhair atá le plé a shocrú an lá roimh ré ins na hionaid éagsúla oideachais.

Eagraítear na cluichí, ceistiúcháin agus suirbhéanna ar bhealach a éilíonn ar dhaltaí ó chúlraí éagsúla teanga agus náisiúntachta oibriú le chéile.

Ar fud an lae, déantar rannpháirtithe a spreagadh chun lán úsáid a bhaint as a gcuid eolais ar theangacha chun a bheith i gcumarsáid lena gcomhleacaithe ó thíortha Eorpacha eile, chun breathnú ar theangacha iasachta mar bhealach malairte, chun deacrachtaí daoine eile a thuiscint, a ndearcaidh agus a mianta, agus chun fáilte níos fearr a chruthú do dhaoine óga le traidisiúin agus nósanna difriúla.

Ag deireadh an lae, tabharfar do gach rannpháirtí teastas sínithe ag Uachtarán na Parlaiminte Eorpaigh.

Lá EUROSCOLA ag an bParlaimint Eorpach

Ar theacht chuig an bParlaimint Eorpach ag 08.30, buaileann 500 ógánach (16 - 18 mbliana d'aois) le chéile ag bricfeasta, nuair a mínítear sonraí an chláir dóibh.

Tar éis an chéad chruinnithe seo, déanann na rannpháirtithe, atá cheana féin curtha isteach i ngrúpaí ilnáisiúnta (chun aon chur amú polaitiúil a sheachaint, ceaptar iad seo trí mhúnlaí geoiméadracha), a mbealach chuig an leathchiorcal, áit a nglacann siad le suíocháin na mBPE. Tosnaíonn an seisiún le róbharúil ról na Parlaiminte Eorpaigh, le uair a' chloig ceisteanna agus plé ina dhiaidh, chomh maith le ceistiúchán maidir le pleananna na ndaltaí agus a gcuid eolais faoin Eoraip, nuair a úsáidtear córas leictreonach vótála na Parlaiminte Eorpaigh.

Is deis é am lóin d'imoibriú mór, le rannpháirtithe ag dul isteach i bhfoirne níos lú, de cheithre náisiúntachta difriúla, chun páirt a ghlacadh i gcluiche leagtha amach i dteangacha oifigiúla an AE.

Tar éis lóin, téann na daltaí ar ais ina gcúig ghrúpaí oibre faoi seach, ar a gceaptar
cathaoirleach agus urlabhraí. Glacann gach grúpa oibre le rún ar a ndéanann a n-urlabhraí cosaint san lánphlé.

Is é an téacs deireanach a nglacann na rannpháirtithe uilig leis ná rún Euroscola an lae. Cuireann ionadaí ón bParlaimint Eorpach críoch leis an díospóireacht.

Críochnaíonn an lá le seisiún ceannais an cheistiúcháin ar eolas faoin gcultúr Eorpach agus searmanas clabhsúir a gcantar amhrán náisiúnta na hEorpa ag a dheireadh. Tugtar brat Eorpach do gach scoil agus teastas sínithe ag Uachtarán na Parlaiminte Eorpaigh chomh maith le grúpghrianghraf do gach rannpháirtí.

Clár "EUROSCOLA"

8.30 r.n.
- Sroicheann rannpháirtithe Áras na Parlaiminte Eorpaigh "Louise Weiss" (IPE IV)
- Tástáil slándála
- Fáilte
- Suaitheantais agus clár an lae roinnte thart

9.15 r.n.
- Bricfeasta le rannpháirtithe eile
- Bronnadh agus coimriú ar an gclár don lá
- Rannpháirtithe roinnte i ngrúpaí oibre ilteangacha

10.00 r.n.
- Aistriú chuig Seomra an Árais "Louise Weiss"
- Daoine óga suite i suíocháin na mBPE
- Óráid ghearr fháiltithe
- Fáiltiú chuig an bParlaimint Eorpach agus an Aontas Eorpach ag oifigigh na Parlaiminte Eorpaigh
- Déanann dalta gach scoil a chur in aithne (nóiméad amháin do gach scoil)
- Ceisteanna/díospóireacht ar fhorbairt na hEorpa
- Grianghraf.

12.45 i.n.
- Lón curtha ar fáil ag bialann na Parlaiminte Eorpaigh
- Tosnaíonn "Eurogame" le foirne cheathrar imreoir (de cheithre náisiúntacht éagsúla)

2.00 i.n.
- Tagann grúpaí oibre le chéile i seomraí coistí i gcóir plé agus malartú tuairimí ar phrióireachtaí Eorpacha, bunaithe ar théamaí réitithe ar scoil. Roghnaíonn gach grúpa "feidhmeannach" ionadaíodh agus dalta chun a gcuid barúlacha a chur i láthair.
- plé thart ar an mbord idir múinteoirí agus oifigeach PE.

4.00 i.n.
- Filleadh ar Sheomra Fhoirgnimh "Louise Weiss" do sheisiún iomlán agus bronnadh tuairiscí ar glacadh leo i ngrúpaí oibre
- conclúidí agus moltaí
- Cluiche ceannais "Eurogame" agus bronnadh duaiseanna
- Bronnadh teastais "Euroscala"
- Bronnadh brait Eorpaigh do gach grúpa páirteach
- Amhrán náisiúnta na hEorpa

5.30 i.n.
- Fágáil

- Páirtí oibre Uimh. 2:
'Timpeallacht' (traipéisiam)
Comhoiriúnacht fhorbairt eacnamaíochta le meas ar an timpeallacht

- Páirtí oibre Uimh 3:

'Áit luachanna Eorpacha ins an domhain' (cearnóg)
Síocháin, sábháilteacht, ceart agus cearta daonna

- Páirtí oibre Uimh. 4:
'Óige' (triantán)
Céard is féidir leis an óige a dhéanamh don aontas Eorpach
agus céard leis an bhfuil siad ag súil ar ais?

- Páirtí oibre Uimh. 5:
'Todhchaí na hEorpa' (diamant)
Céard iad prióireachtaí eacnamaíocha, polaitiúla, institiúide
agus sóisialta d'Eoraip an lae amáraigh?